Ik sitam aur meri jaan abhi jaan baqi hai

Dil me ab tak teri ulfat ka nasha baqi hai

Jurm e tauheen e mohabbat ki saza de mujhko

Kuch to mehroomi ulfat ka sila de mujhko

Jism se rooh ka rishta nahi toota hai abhi

Ankh se sabr ka daaman nahin choota hai abhi

Abhi jalte hue khwaabon ka dhuaan baqi hai

Apni nafrat se meray pyar ka daman bhar de

Dil e ghutaakh ko mehroomi muhabbat karde

Dekh toota nahi chahat ka haseen taj mahal

Aa k bikhray nahi mehki hui yaadon k kanwal

Abhi taqdeer kay gulshan me khiza baqi hai

Ik sitam aur meri jaan abhi jaan baqi hai

Dil me ab tak teri ulfat ka nasha baqi hai